Author Topic: Manikkavadakar  (Read 434 times)

ramanaduli

  • Hero Member
  • *****
  • Posts: 851
    • View Profile
Manikkavadakar
« on: June 18, 2018, 02:59:58 PM »
*பரஞ்சோதியார் திருவிளையாடற் புராணமும் சிவஞான சுவாமிகளின் காஞ்சி புராணமும்*

*மாணிக்கவாச பெருமான் துதி*

குறிப்பு: இன்று *"ஆனிமகம் - மணிவாசகரது முத்தி திருநாள்"*

அதிசயமாக இந்த ஆனி மாதத்தில் இரண்டு முறை மகம் நட்சத்திரம் வருகிறது. *"பெருமானின் ஐக்கியத் தலமான தில்லையில் இரண்டாவதாக வரும் மகமான 15/07/18 அன்று குருபூசைத் திருநாள் அனுட்டிக்கப்பட இருக்கிறது"*

 சைவப்பெருமக்கள் யாவருக்கும் கோயில் என்றாலே சிதம்பரம்தான், அவ்வகையில் *"தில்லை கூத்தபிரான் சன்னதியில் நடக்கும் வழமைகளைத்தான் நாம் பிரமாணமாக கொள்ள வேண்டும், என்றாலும் திருப்பெருந்துறையில் மணிவாசகப் பெருமானது குருபூசை நாளையொட்டி நடக்கும் பத்து நாள் பக்தோற்சவத்தில் இன்றுதான் குருபூசை அனுட்டிக்கப்படுகிறது*
எப்படி இருந்தாலும் இரண்டுமே கொண்டாத்தக்க நாட்களேயாம்!! கரும்புதின்ன கசக்குமா என்ன!?🙏🏻

*"வினையேன் அழுதால் உன்னை பெறலாமே"* என்ற மாணிக்க வாசகத்தின் படி பெருமானை *"அழுது அடியடைந்த அன்பன்"* என்று குறித்து வணங்கும் திருவிளையாடற் புராணத்தின் மணிவாசகர் துதியும் *"கரைந்து கரைந்து இருகண்ணீர் மழைவார துரியநிலை கடந்த வாதவூரர்"* என்று பாடி வணங்கும் காஞ்சி புராணத்தின்  துதியும் இந்நந்நாளில் நம் சிந்தனைக்கு

*பாடல்*

எழுதரு மறைகள் தேறா இறைவனை யெல்லிற் கங்குற்
பொழுதறு காலத் தென்றும் பூசனை விடாது செய்து
தொழுதகை தலைமீது ஏறத் துளும்பு கண்ணீருள் மூழ்கி
அழுதடி யடைந்த அன்பன் அடியவர்க்கு அடிமை செய்வாம்.

பெருந்துறையில் சிவபெருமான் அருளுதலும் பெருங்கருணைப் பெற்றி நோக்கி, கரைந்து கரைந்து இருகண்ணிர் மழைவாரத் துரிய நிலை கடந்து போந்து , திருந்துபெரும் சிவபோகக் கொழுந்தேறல் வாய்மடுத்துத் தேக்கிச் செம்மாந்து , இருந்து அருளும் பெருங்கிர்த்தி வாதவூர் அடிகள் அடி இணைகள் போற்றி

*பொருள்*

பலகாலம் எழுதப்படாமல் வாய்வழி  ஓதப்பட்ட வேதங்களும் தேர்ந்துணராத இறைவனை இரவும் பகலும் ஒரு பொழுதும் விடாது பூசனை செய்து கரங்களை சென்னி சேர்த்து வணங்கி கண்ணீர் ததும்ப அழுது அடியடைந்த அன்பின் வடிவமானவருக்கு அடிமை செய்வோம்

திருப்பெருந்துறையில் சிவபிரான் அருளியாட் கொண்ட பெரும் பெற்றிமையை எண்ணி எண்ணி கரைந்து கண்ணீர் பெருக்கி உருகி உருகி ஜீவன்முத்தர் நிலையை எய்தி தேன்போன்ற திருவாசகத்தையும் பாடி இறைவன் திருவடியில் செம்மாந்து இருக்கும் பெரும்புகழுடைய வாதவூரரின் திருவடிகள் போற்றி

Ramanaduli