Show Posts

This section allows you to view all posts made by this member. Note that you can only see posts made in areas you currently have access to.


Messages - Balaji

Pages: 1 ... 47 48 49 50 51 52 53 54 55 56 [57] 58 59 60 61 62 63 64 65 66 67 ... 74
841
-ரமணர் ஆயிரம் — அரவிந்த் சுவாமிநாதன்

=====================================

பகவானின் நெருங்கிய அடியார்களுள் ஒருவர் அண்ணாமலை ஸ்வாமிகள். பல ஆண்டுகாலம் பகவான் ரமணரின் அணுக்கத் தொண்டராக இருந்தவர். ஆச்ரமத்தில் இருக்கும் பல்வேறு கட்டிடங்கள் உருவாக்கத்தில் இவரது பங்கு முக்கியமானது. இவருக்கு அடிமனதில் ஒரு ஏக்கம்/ஆசை இருந்தது. தனியாக ஓரிடத்தில் இருந்து ஏகாந்தமாக தியானத்தில் இருக்க வேண்டும். சிறிதளவு மட்டுமே ஆகாரம் உண்டு, இறைவனை எப்போதும் நினைந்து தவம் செய்ய வேண்டும் என்பதே அது.

பகவானிடம் ஒருமுறை இதுபற்றிச் சொன்னார், அண்ணாமலை ஸ்வாமிகள். உடனே பகவான், “சரிதான். ஏன் இந்த வாசனை? இதற்கு தனியாகஒரு பிறவி அல்லவா எடுக்க வேண்டி வரும். இதெல்லாம் வேண்டாம்” என்றார். ஆனால் அண்ணாமலை சுவாமிகளுக்கு அந்த எண்ணம் மாறவேயில்லை.

சில வருடங்கள் கடந்தன. ஆச்ரமத் தலைவருக்கும் அண்ணாமலை ஸ்வாமிகளுக்கும் சில விஷயங்களில் கருத்து வேறுபாடு ஏற்பட்டது. இது அடிக்கடி சிறு சிறு சச்சரவாக வெடித்தது. பகவானின் கவனத்துக்கும் அது வந்தது. பகவான் அண்ணாமலை ஸ்வாமிகளை அழைத்தார். “நீ இனிமேல் இங்கே இருக்க வேண்டாம். ஆச்ரமத்தின் மேற்குப் பகுதியான பலாக்கொத்திற்குச் சென்று அங்கேயே இருந்து உன் ஆன்மீக வாழ்க்கையைத் தொடர். போ” என்றார். குரு வாக்கை திருவாக்காக எண்ணிய அண்ணாமலை ஸ்வாமிகள் உடனே ஆச்ரமத்தை விட்டு வெளியேறினார். பலாக்கொத்தில் தனது தவ வாழ்க்கையைத் தொடங்கினார்.

ஆச்ரமத்தில் உள்ள ஒரு சிலர், அண்ணாமலை ஸ்வாமிகளால் அடிக்கடி சச்சரவுகள் வந்ததால் பகவான் அவரை வெளியே அனுப்பி விட்டதாகப் பேசிக் கொண்டனர்.

ஆனால், அதுவா உண்மை? இல்லை… இல்லவே இல்லை.

அண்ணாமலை ஸ்வாமிகளுக்கு ”தனியாக ஓரிடத்தில் இருந்து ஏகாந்தமாக தியானத்தில் இருக்க வேண்டும்” என்ற எண்ணம் நாளுக்கு நாள் தீவிரப்பட்டது. பகவான் அதை மாற்றுவதற்குச் செய்த முயற்சிகள் பலன் தரவில்லை. அந்த எண்ணம் மிக மிகத் தீவிரமாக இருந்தது. அவரது அந்த நினைவு மாற பகவான் அண்ணாமலை ஸ்வாமிகளுக்கு ஆச்ரமத்தில் கட்டிடங்கள் கட்டுவது, வரைபடம் தயாரிப்பது, குடில் உருவாக்குவது எனத் தொடர்ந்து பல்வேறு பணிகளைக் கொடுத்துக் கொண்டே இருந்தார். ஆனாலும் அந்த தீவிர எண்ணம் மறையவில்லை. நாளுக்கு நாள் வலுப்பட்டது. அது தொடர்ந்தால், இப்பிறவியில் அவ்வாசை நிறைவேறாமல் போனால், அண்ணாமலை ஸ்வாமிகளுக்கு மறுபடியும் ஓர் பிறவி வாய்க்கும் என்பதை பகவான் உணர்ந்தார்.

தன் பக்தர்கள் மீது அளவற்ற கருணை கொண்ட பகவான், காக்கைகும், பசுவிற்கும், நாய்க்கும் மோட்சம் அளித்த பகவான் அண்ணாமலை ஸ்வாமிகள் மீது கருணை கொள்ளாமல் இருப்பாரா? கருணை கொண்டார். தனித்திருந்து பலாக்கொத்து சென்று தவமியற்றுமாறு ஆணையிட்டார். அதுமட்டுமா? தினந்தோறும் தான் உலா செல்லும்போது பலாக்கொத்து சென்று அண்ணாமலை ஸ்வாமிகளைச் சென்று பார்த்து ஆசிர்வதித்தார். அவரது ஆன்மீக நோக்கம் உயர்வுற உறுதுணையாக இருந்தார். அவர் ஆன்மானுபூதி அடைய அருள் புரிந்தார்.

அதுதான் பகவான். அருள் பொங்கும் அமுதக் கடல் அல்லவா, அவர்!!!

பகவானை நம்பினோர் கைவிடப்படார்.

ஓம் நமோ பகவதே ஸ்ரீரமணாயா!!


from the facebook

842
ரமணர் ஆயிரம் — அரவிந்த் சுவாமிநாதன்

=======================================

விளாச்சேரி ரங்கையர், பகவானின் சிறுவயதுத் தோழர். இருவரும் திருச்சுழியில் ஒன்றாக நீச்சல் அடித்து விளையாடுதல், ஓடிப் பிடித்து விளையாடுதல் உள்ளிட்ட பல விளையாட்டுக்களை விளையாடிய நெருங்கிய நண்பர்கள். ரங்கையர் மீது பகவானுக்கு மிகுந்த அன்புண்டு. அவ்வப்போது ‘ரமணாச்ரமம்’ வந்து போவார் ரங்கையர். ஒருமுறை அவருக்கு தாங்க இயலாத அளவுக்கு சில பிரச்னைகள் ஏற்பட்டன. குடும்பம், தொழில் என இரண்டிலுமே மிகுந்த பாதிப்புகள் ஏற்பட்டு விட்டன. தீர்க்கும் வழி அறியாது திகைத்த ரங்கையர், பகவானின் சன்னதியில் சில நாட்கள் தங்கி இருந்து விட்டு வரலாம் என்ற எண்ணத்தில் ‘ரமணாச்ரமம்‘ வந்தார். பகவானைச் சந்தித்தார்.

ஆனால் பகவானை தனிமையில் சந்தித்து தன் குறைகளைச் சொல்லும் வாய்ப்பு உடனடியாகக் கிடைக்கவில்லை. அதனால் மிகுந்த மன வருத்தமுற்றார் ரங்கையர். ஒருநாள் பகவான் காலை உலா செல்லக் கிளம்பும்போது அந்த வாய்ப்புக் கிடைத்தது. பகவானிடம், கண்ணீர் விட்டு அழுது கொண்டே, “பகவான், நான் நினைவு தெரிந்து எந்தத் தவறும் செய்யவில்லை. ஆனால் எனக்கு மட்டும் ஏன் இப்படி அடுக்கடுக்காய் பிரச்னைகள் வருகின்றன. நான் என்ன பாவம் செய்தேன்? நீங்கள்தான் மனது வைக்க வேண்டும்” என்று சொல்லிக் கை கூப்பினார். பகவான் அதற்கு எந்த பதிலும் அளிக்காமல் சென்று விட்டார்.

ரங்கையருக்கு மிகுந்த மன வருத்தம் உண்டாகி விட்டது. இப்படியே சில நாட்கள் கடந்தன. பகவானைச் சந்தித்து தன் லௌகீகக் கவலைகளைச் சொல்வார் ரங்கையர். பகவானோ அதைக் காதில் வாங்கிக் கொள்ளாதது போல் சென்று விடுவார். இதனால் ரங்கையர் பகவான் தன்னைப் புறக்கணிக்கிறார் போலும். தனக்கு தகுதி இல்லை என நினைக்கிறார் போலும் என்று நினைத்தார்.

ஒருநாள் மாலை உலா செல்லப் புறப்பட்டார் பகவான். ரங்கையரும் உடன் சென்றார். இருவரும் விருபாஷிகுகை, ஸ்கந்தாச்ரமம் எல்லாம் கடந்து மேலே சென்றனர். மலை மேலிருந்து பார்க்கும்போது ஆச்ரமம், கோசாலை, மாத்ருபூதேஸ்வரர் ஆலயம் என எல்லாமே மிகவும் சின்னதாகத் தெரிந்தது.

உடனே ரங்கையர் பகவானிடம், “பகவான், அங்கே பாருங்கள்… மலை மேலிருந்து பார்க்கும்போது நம் ஆச்ரமம் எல்லாம் எவ்வளவு சின்னதாகத் தெரிகின்றது!?” என்று சொல்லி வியந்தார்.

பகவான் அதற்கு, “ஆமாம் ரங்கா. அது அப்படித்தான். மேலே செல்லச் செல்ல எல்லாமே சின்னதாகி விடும்” என்று சொல்லி, ரங்கையரை அர்த்தபூர்வமாக ஒரு பார்வை பார்த்தார். பின், “ரங்கா, உன் பிரச்னையும் அப்படித்தான். இப்போது உனக்கு இதெல்லாம் பெரிய பிரச்னையாகத் தோன்றுகிறது. பின்னால் இதை எல்லாம் கடந்து கடந்து மேலே வந்த பின் இது ஒரு சிறிய விஷயமாகி விடும். பிரச்னையாகவே உனக்குத் தோன்றாது. வீணாக மனதைப் போட்டுக் குழப்பிக் கொள்ளாமல். தைரியமாக இரு.” என்றார்.

பகவானின் இந்த வார்த்தை ரங்கையரின் உள்ளத்தில் அருமருந்தாக வேலை செய்தது. புது மனோ தைரியம் வந்தது. எதைப் பற்றியும் கவலைப்படாத மனநிலைக்கு மெல்ல மெல்ல பழகிக் கொண்டார். நாளடைவில் பகவான் அருளால் அவரது பிரச்னைகள் ஒவ்வொன்றாகத் தீர ஆரம்பித்தது. வேலை, தொழில், பெண்கள் திருமணம் என தடைப்பட்ட அனைத்தும் நல்ல முறையில் நிகழ்ந்தேறியது.

”சிறு வயதில் சொப்புகளும், காகிதங்களும், கோலிக்குண்டுகளும் சிறுவர்களுக்கு பெரிய பொக்கிஷமாகத் தோன்றும். ஆனால் அதே பொக்கிஷம் இளைஞனாக வளர்ந்த பின் குப்பையாகத் தெரியும். மானுட வாழ்க்கையும் அதுபோலத் தான்” என்ற உண்மையை உணர்ந்தார், தெளிந்தார், மகிழ்ந்தார் ரங்கையர்.

நாமும் உணர்வோம்; தெளிவோம்.

ஓம் நமோ பகவதே ஸ்ரீ ரமணாயா!!


from the facebook

843
Very nice comments Mr Subramanian sir.

844
ரமணர் ஆயிரம் — அரவிந்த் சுவாமிநாதன்

பகவானும் வள்ளிமலை சுவாமிகளும்

மைசூர் சுவாமிகள், திருப்புகழ் சுவாமிகள் என்று அழைக்கப்பட்டவர் ஸ்ரீ வள்ளிமலை சுவாமிகள். இவர் மிகச் சிறந்த முருக பக்தர். இவருக்கு திருவண்ணாமலை சென்று ரமண பகவானை குருவாக அடைய வேண்டும்; அவரிடம் தீக்ஷை பெற வேண்டும் என்ற ஆவல் இருந்தது. அதனால் ரமணரைத் தேடிக் கொண்டு இவர் அண்ணாமலைக்கு வந்தார். ஆலயத்துக்குச் சென்று அருணாசலேஸ்வரரை வழிபட்ட பின் பகவான் ஸ்ரீ ரமண மகரிஷியை தரிசனம் செய்யச் சென்றார். அப்போது பகவான் விரூபாஷி குகையிலும், ஸ்கந்தாசிரமத்திலும் வாசம் செய்த காலம்.

விருபாக்ஷி குகையை அடைந்தார் திருப்புகழ் சுவாமிகள். அப்போதுதான் பகவான் ரமணரும் குகையை விட்டு வெளியே வந்தார். ஸ்ரீ ரமணரின் கோவணம் மட்டுமே அணிந்த தோற்றமும், நீண்ட கைத்தடியும் அவருக்கு பழனியாண்டவரை நினைவுபடுத்தியது. பகவான் ரமணர் திருப்புகழ் சுவாமிகளுக்கு பழனியாண்டவராகவே காட்சி அளித்தார். “தென் பழனி ஆண்டவனுக்கு அரோகரா!” என்றவாறே ரமணரின் பாதங்களில் வீழ்ந்து வணங்கினார் திருப்புகழ் சுவாமிகள். பின் அங்கேயே பிற தொண்டர்களுடன் சேர்ந்து வசிக்க ஆரம்பித்தார். ரமணரின் அன்பிற்குப் பாத்திரமானார். பகவான் சன்னிதானத்தில் முருகன் புகழ் பாடுவதே அவருக்கு நித்ய கடமையாயிற்று. பகவான் ரமணர் ஓய்வாக இருக்கும் பொழுது, கம்பீரமான தனது குரலால் திருப்புகழைப் பாடுவார். பகவான் ரமணர், சுவாமிகளை “திருப்புகழ் முருகன்” என்றே அன்புடன் அழைப்பார். ரமணரை வணங்குவதை தனது நித்ய கடமையாகக் கொண்டிருந்தார் சுவாமிகள்.

ஒரு நாள்…

பணிவிடை செய்து கொண்டிருந்த திருப்புகழ் சுவாமிகளைப் பார்த்து, ரமணர், ”கீழே போ, கீழே போ, இங்கே நிற்காதே! உடனே கீழே போ” எனக் கட்டளையிட்டார். திருப்புகழ் சுவாமிகளுக்கு ஒன்றுமே புரியவில்லை. ‘தான் ஏதும் தவறு செய்து விட்டோமோ, அதுதான் மகரிஷி கோபித்துக் கொண்டு தன்னை கீழே போகுமாறு சொல்லிவிட்டாரோ’ என நினைத்து வருந்தினார். பின்னர் ‘குருவின் வார்த்தையை மீறக்கூடாது’ என்று, நினைத்து, அவர் கட்டளையிட்டபடியே மலையிலிருந்து கீழே இறங்க ஆரம்பித்தார்.

கீழே.. ஒரு குட்டையில் சேஷாத்ரி சுவாமிகள் நின்று கொண்டிருந்தார். அங்குள்ள ஒரு எருமையைக் கட்டிக் கொண்டு, அதனோடு ஏதோ பேசி கொஞ்சி கொண்டிருந்தார். உடல் முழுவதும் சேறு, சகதி.

திருப்புகழ் சுவாமிகள் வருவதைப் பார்த்தார் மகான் சேஷாத்ரி சுவாமிகள். உடனே குட்டையை விட்டு எழுந்து ஓடோடி வந்து திருப்புகழ் சுவாமிகளைக் கட்டிக் கொண்டு விட்டார். சேஷாத்ரி சுவாமிகளின் உடை மீதுள்ள சேறு, சகதி எல்லாம் திருப்புகழ் சுவாமிகள் மீதும் ஒட்டிக் கொண்டது. திருப்புகழ் சுவாமிகளோ ஒன்றுமே புரியாமல் திகைத்துப் போய் நின்று கொண்டிருந்தார். சகதி வாசத்துக்கு பதிலாக எங்கும் ஒரே சந்தன வாசம். திருப்புகழ் சுவாமிகளின் மீதும் சந்தன வாசம் வீசியது. திகைத்துப் போய் நின்று கொண்டிருந்த திருப்புகழ் சுவாமிகளைத் தன்னருகே இழுத்து அருகில் அமர வைத்துக் கொண்ட சேஷாத்ரி சுவாமிகள், அவருக்கு உபதேசம் செய்ய ஆரம்பித்தார்.

“ஆத்மாத்வம் கிரிஜாமதி; ஸஹசரா; ப்ராணா; சரீரம் ஹம்
பூஜாதே விஷயோப போக ரசனா, நித்ரா ஸமாதி ஸ்திதி…”

- எனத் தொடங்கும் சிவ மானச ஸ்தோத்திரத்திலிருந்து நான்காம் ஸ்லோகத்தைச் சொல்லி அதன் பொருளை விளக்கினார். “ஈசனே நீயே எனது ஜீவாத்மா; தேவியே நீயே எனது புக்தி! என்னுடைய உடலே உன்னுடைய இருப்பிடம். நான் ஈடுபடும் அனைத்து விஷயங்களும், அனுபவிக்கும், அனைத்து போகங்களும் உன்னுடைய பூஜையே!” என்ற பொருள்படியுமான அந்த ஸ்லோகத்தின் பொருளை திருப்புகழ் சச்சிதானந்த சுவாமிகளுக்கு விளக்கி அருளிய சேஷாத்ரி சுவாமிகள், “இதே கருத்துக்குச் சமமான திருப்புகழ் பாடல் ஏதேனும் உள்ளதா?” எனக் கேட்டார்.

அதற்கு திருப்புகழ் சுவாமிகள், “அமல வாயு வோடாத..” எனத் தொடங்கும் 1048-வது திருப்புகழின்

“எனதியானும் வேறாகி எவரும் யாதும் யானாகும்
இதய பாவா னாதீத மருள்வாயே! “

-என்ற வரிகளைப் பாடி, பொருளையும் விளக்கினார்.

அதைக் கேட்டு மிகவும் மனம் மகிழ்ந்த சேஷாத்ரி சுவாமிகள், “திருப்புகழ்தான் உனக்கு இனி தாரக மந்திரம். நீ இனிமேல் உன்னுடைய சுயநலத்திற்காக என்று எந்தக் காரியத்தையும் செய்யாமல், சிந்தனை, சொல், செயல் என அனைத்தையும் பரம்பொருளுக்கே அர்ப்பணம் செய்து வாழ். அனைத்தும் இறைவனுக்கே என்ற அர்ப்பணிப்பு உணர்வோடு வாழ்க்கை நடத்து. நீ இனி வேறு எந்த மந்திர நூல்களும் படிக்க வேண்டாம். ஜெப, தபங்கள் என்று எதுவும் செய்ய வேண்டாம். உனக்கு திருப்புகழே போதும். இனி நீ எங்கு சென்றாலும் திருப்புகழ் ஒலிக்க வேண்டும்” என்று கட்டளையிட்டார்.

திருப்புகழ் சுவாமிகளுக்கு ஒரே ஆனந்தம். சாஷ்டாங்கமாகக் காலில் விழுந்து வணங்கினார். பின்னர் சேஷாத்ரி சுவாமிகள் அவரிடம், “நீ இனிமேல் வள்ளி மலைக்குப் போய் தவம் செய்து கொண்டிரு. பின்னர் நானும் அங்கு வந்து சேருகிறேன்” என்று கூறி ஆசிர்வதித்தார். மகானை வணங்கி விடை பெற்ற திருப்புகழ் சுவாமிகள், குருவின் ஆணைப்படி வள்ளிமலைக்குப் போய் தவம் செய்து வரலானார். அது முதல் அன்பர்கள் அனைவராலும் அன்புடன் “வள்ளிமலை சுவாமிகள்” என அழைக்கப்பட்டார்.

ரமணரை குருவாக அடைய நினைத்தார் திருப்புகழ் சுவாமிகள். ஆனால் அவருக்கு சேஷாத்ரி சுவாமிகள் குருவாக அமைந்தார். ஒருவர் எப்படிப்பட்ட பக்தராக இருந்தாலும், சீடர் குருவைத் தேர்ந்தெடுக்க முடியாது; குருவே தமக்கான சீடரைத் தேர்ந்தெடுக்கிறார் என்பதற்கு இச்சம்பவம் ஒரு சான்றாகிறதல்லவா?

ஓம் நமோ பகவதே ஸ்ரீ ரமணாயா!

from the facebook

845
பகவான் ரமணர், மகாத்மா காந்தி இருவரும் ஒருவர் மீது ஒருவர் மிகுந்த மதிப்பு வைத்திருந்தனர். காந்தி திருவண்ணாமலை வந்திருந்தபோது ரமண மஹர்ஷியை தரிசிக்க எண்ணியிருந்தார். ஆனால் தவிர்க்க முடியாத காரணங்களால் அது முடியாமல் போனது. மூன்று முறை காந்தி ரமணரை தரிசிக்க முயற்சி செய்தார். ஆனால் அது நிறைவேறவில்லை.

1948ல் மகாத்மா மறைந்தார் என்ற செய்தி நாடு முழுதும் துக்கத்தை ஏற்படுத்தியது. வானொலிகளில் தொடர்ந்து பஜனை, பிரார்த்தனைப் பாடல்கள் ஒலிபரப்பாகிக் கொண்டிருந்தன. அதைக் கேட்ட பகவான், “ தன் வாழ்நாள் முழுவதும் பிரார்த்தனை செய்தவருக்கு மக்களுடைய பிரார்த்தனை இது” என்றார் தழுதழுத்த குரலில்.

பகவான் காலை நடைக்காக வெளியே செல்லும் போது ஒரு பத்திரிகை நிருபர், காந்திஜியின் மறைவு பற்றி பகவானின் கருத்தைக் கேட்டார். அதற்கு பகவான் மிகவும் உணர்ச்சி மிக்க குரலில், “மகாத்மா காந்தியின் மறைவுக்காக ஒவ்வொரு மனிதனின் இதயமும் துக்கப்படுகிறது. துக்கப்படாமல் யார் இருக்கிறார்கள், யாரால் இருக்க முடியும்?” என்றார்.

அவர் உலா முடித்து திரும்பி வரும்போது, காந்திஜிக்கு மிகவும் பிடித்த “வைஷ்ணவ ஜனதோ” பாடல் ஒலிபரப்பாகிக் கொண்டிருந்தது. அதைக் கேட்ட பகவானின் கண்களிலிருந்து கண்ணீர் வழிந்தது. மாலை 5 மணிக்கு ஆச்ரமத்தில் காந்திஜிக்காக சிறப்பு பிரார்த்தனை, வழிபாடு நடைபெற்றது. பகவானும் அதில் கலந்து கொண்டார்.

மறுநாள் காந்தியின் மரணம் பற்றி பக்தர் ஒருவரிடம் “ ம்ம். சுயராஜ்யம் கிடைத்து விட்டது. நீங்கள் வந்தவேலை முடிந்து விட்டது. ஏன் இன்னும் இருக்கிறீர்கள்? போக வேண்டாமா? ஏற்கனவே தாமதமாகி விட்டது என்பது போல காந்தி அனுப்பப்பட்டு விட்டார்” என்றார் சோகத்துடன்.

ஓம் நமோ பகவதே ஸ்ரீ ரமணாயா!

from the face book

846
It seems that in the olden days, Brahma once felt proud of the fact that he was long-lived. He went to Vishnu and said, “Do you not see how great a person I am! I am the oldest living person (chiranjeevi).”

Vishnu told him that was not so and that there were people who had lived much longer than he. When Brahma said that could not be, since he was the creator of all living beings, Vishnu took him with him to show him people older than him.

They went along until, at a certain place, they found Romasa Mahamuni. Vishnu asked him his age and how long he expected to live. “Oho!” said Romasa, “you want to know my age? All right, listen then and I will tell you. This era (yuga) consists of so many thousands of years. All these years put together make one day and one night for Brahma. It is according to these calculations that Brahma’s life is limited to one hundred years. When one such Brahma dies, one of the hairs of my body falls out. Corresponding to such deaths as have already occurred, several of my hairs have fallen out, but many more remain. When all my hairs fall out, my life will be over and I shall die.”

Very much surprised at that, they went on to Ashtavakra Mahamuni, an ascetic with eight distortions in his body. When
they told him about all the above calculations, he said that when one such Romasa Mahamuni dies, one of his own distortions would straighten, and when all the distortions had gone, he would die. On hearing this, Brahma was crestfallen.

(A story told by Sri Ramana Maharshi)

from the facebook

847
General topics / Re: Tamil Scriptures
« on: March 15, 2013, 01:27:14 PM »
ஒருமையுடன் நினது திருமலரடி நினைக்கின்ற
உத்தமர்தம் உறவுவேண்டும்
உள் ஒன்று வைத்துப் புறம்பொன்று பேசுவார்
உறவு கலவாமை வேண்டும்
பெருமைபெறு நினதுபுகழ் பேச வேண்டும் பொய்மை
பேசாதிருக்க வேண்டும்
பெருநெறி பிடித்தொழுக வேண்டும் மதமான பேய்
பிடியாதிருக்க வேண்டும்
மருவு பெண் ஆசையை மறக்கவே வேண்டும் உனை
மறவாதிருக்க வேண்டும்
மதி வேண்டும் நின் கருணைநிதி வேண்டும் நோயற்ற
வாழ்வில் நான் வாழ வேண்டும்
தருமமிகு சென்னையில் கந்த கோட்டத்துள் வளர்
தலம் ஓங்கு கந்தவேளே
தண் முகத்துய்ய மணி உண் முகச் சைவமணி
சண்முகத் தெய்வமணியே

Sri Ramalinga swamigal

from the fb Tamizhmarai

848
General topics / Re: Tamil Scriptures
« on: March 15, 2013, 01:24:40 PM »
கொல்லாமை

பற்றாய் நற் குரு பூசைக்கும் பன்மலர்
மற்றோர் அணுக்களைக் கொல்லாமை ஒண்மலர்
நற்றார் நடுக்கற்ற தீபமும் சித்தமும்
உற்றாரும் ஆவி அமர்ந்திடம் உச்சியே.

--பற்றுக் கோடாகிய சிறந்த குருவின் பூசைக்கும் பலவகை மலராக உள்ளது கொல்லாமையாகும்.
--கண்மலரின் ஒளியே நல்ல மாலையாகும்.
--அசைவற்ற மனமே சிறந்த தீபமாகும்.
--இவை அனைத்தும் கொண்டு பூசிக்கின்ற உயிர் விளங்கும் இடம் சிரசின் உச்சியாகும், சிவகுரு பூசைக்குச் சிறப்பான மலர், கொல்லாமையாகும்.
--அகப் பூசைக்கும்ப புறப்பொருள் தேவையில்லை.

கொல்லிடு குத்தென்று கூறிய மாக்களை
வல்லடிக் காரர் வலிக்கயிற் றாற்கட்டிச்
செல்லிடு நில்லென்று தீவாய் நரகிடை
நில்லிடும் என்று நிறுத்துவர் தாமே.

--கொல் என்றும் குத்து என்றும் சொல்லிய விலங்கை யொத்த மக்களைக் காலனது ஏவலர் வலிமையான கயிற்றால் கட்டி, செல் என்று நில் என்றும் அதட்டி, அனல் கக்குகின்ற நரகத்தில் நெடுங்காலம் நிற்க என்று ஆணையிடுவர்.

Thirumoolar Thirumandhiram

Fb Tamizhmarai

849
General topics / Re: Tamil Scriptures
« on: March 15, 2013, 01:22:02 PM »
அஞ்செழுத்திலே பிறந்து அஞ்செழுத்திலே வளர்ந்து
அஞ்செழுத்தை ஓதுகின்ற பஞ்சபூத பாவிகாள்
அஞ்செழுத்திலோர் எழுத்து அறிந்துகூற வல்லரேல்
அஞ்சல் அஞ்சல் என்றுநாதன் அம்பலத்தில் ஆடுமே.

from the fb tamizmarai

850
General topics / Re: Tamil Scriptures
« on: March 15, 2013, 01:15:10 PM »
திருநீறு விளக்கம்***www.fb.com/thirumarai

ஞானம் என்னும் நெருப்பில் அனைத்தும் சுட்டெரிக்கப்பட்ட பின் எஞ்சுவது பரிசுத்தமான சிவதத்துவமே என்பதை திருநீறு (விபூதி) குறிக்கின்றது.

வெந்துஅனைவரும் பிடி சாம்பலாக ஆவார்.

திருநீற்றை 4 வகைகளாகப் பிரிக்கின்றனர். அவை
1) கல்பம்
கன்றுடன் கூடிய நோயற்ற பசுவின் சாணத்தைப் பூமியில் விழாது தாமரை இலையில் பிடித்து உருண்டையாக்கி பஞ்ச பிரம்ம மந்திரங்களால் சிவாக்கினியில் எரித்து எடுப்பதே கல்பத் திருநீறு.

2) அணுகல்பம்
காடுகளில் கிடைக்கும் பசுஞ்சாணங்களைக் கொண்டு முறைப்படி தயாரிக்கப்படுவது அணுகல்பத் திருநீறு

3) உபகல்பம்
மாட்டுத் தொழுவம் அல்லது மாடுகள் மேயும் இடங்களில் இருந்து எடுத்த சாணத்தைக் காட்டுத்தீயில் எரித்து, பின்பு சிவாக்கினியில் எரித்து எடுக்கப்படுவது உபகல்பத் திருநீறு

4) அகல்பம்
அனைவராலும் சேகரித்துக் கொடுக்கப்படும் சாணத்தைச் சுள்ளிகளால் எரித்து எடுப்பது அகல்பத் திருநீறு

"மந்திரமாவது நீறு" - திருஞானசம்பந்தர், திருநீற்றுப் பதிகம். மன் + திறம் = மந்திரம். மும்மலங்களையும் சாம்பலாக்கி அழித்தபின் எஞ்சியது நீறு.

நீறிடுதல் என்பது மாசற்ற சுத்த சாந்த நிலைக்கு அடையாளமும் ஆகும்.
புருவ நடுவே தியான நிலை;ஆத்ம பிரகாசம் உள்ளது.அப்பகுதியில் முக்கோண வடிவாக எரிவதை யோகியர் என்பர், அவ்விடத்தில் தியானம் ஊன்ற வேண்டுமென்பதற்காகவே சந்தனம், குங்குமம், திருநீறு, திருமண் முதலியவற்றினை இடுவர்.

புருவ நடுவின் மேல் நெற்றியின் சஹஸ்ராரத்தில் துரியவெளியுள்ளது. அவ்விடத்தில் அருட்சோதி தோன்றுவதனைக் குறிக்கவே நீறு இடுவர்.

உடலில் திருநீறு அணியக்கூடிய இடங்களாகப் 18 இடங்கள் குறிப்பிடப்படுகின்றன.
------------------------------------------------------------------------------------
1) தலை நடுவில் (உச்சி)
2) நெற்றி
3) மார்பு
4) தொப்புளுக்கு(கொப்பூழ்) சற்று மேல்.
5) இடது தோள்
6) வலது தோள்
7) இடது கையின் நடுவில்
8) வலது கையின் நடுவில்
9) இடது மணிக்கட்டு
10) வலது மணிக்கட்டு
11) இடது இடுப்பு
12) வலது இடுப்பு
13) இடது கால் நடுவில்
14) வலது கால் நடுவில்
15) முதுகுக்குக் கீழ்
16) கழுத்து
17) வலது காதில் ஒரு பொட்டு
18) இடது காதில் ஒரு பொட்டு

பலன்கள்
-------------
திருநீறு அணிவதால்
தடையற்ற இறைச் சிந்தனை,
உயர்ந்த நற்குணங்கள்,
குறைவற்ற செல்வம்,
நல்வாக்கு,
நல்லோர் நட்பு, போன்ற எல்லா நலமும் பெற்று சிறப்புடன் வாழலாம்.
உடல் நலனும் இரத்த ஓட்டமும் சீர்படும்.
பாவங்கள் என வரையறுக்கப் பட்டவைகளை ஒதுக்கும் மனப் பாங்கும்,
தொல்லைகள் அனைத்தையும் அழித்தும் அனைத்துப் பேறுகளையும் அளித்துப் பிறவிப் பிணி அறுத்து மோட்சம் செல்ல வழிகாட்டும்.

இதைத்தான் திருமூலர் பின்வரும் பாடலில் தெரிவிக்கிறார்.
-----------------------------------------------------------------------------------
கங்காளன் பூசும் கவசத் திருநீற்றை
மங்காமல் பூசி மகிழ்வரே யாமாகில்
தங்கா வினைகளும் சாரும் சிவகதி
சிங்கார மான திருவடி சேர்வரே!

from the facebook tamizhmarai

851
General topics / Re: Tamil Scriptures
« on: March 15, 2013, 01:13:40 PM »
திருச்சிற்றம்பலம்
*** www.fb.com/thirumarai
விரோதிகளை அடங்கச் செய்யவும்,
எதிரிகள் உருவாகாமல் தடுப்பதற்கும்
ஓத வேண்டிய பதிகம்

பாடியவர்: மாணிக்கவாசகர் தலம்: தில்லை

வளைந்தது வில்லு விளைந்தது பூசல்
உளைந்தனமுப்புரம் உந்தீ பற
ஒருங்குடன் வெந்தவா றுந்தீ பற

ஈரம்பு கண்டிலம் ஏகம்பர் தங்கையில்
ஓரம்பே முப்புரம் உந்தீ பற
ஒன்றும் பெருமிகை றுந்தீ பற

தச்சு விடுத்தலும் தாம் அடியிட்டலும்
அச்சு முறிந்ததென்று உந்தீ பற
அழிந்தன முப்புரம் உந்தீ பற

உய்யவல்லார் ஒருமூவரைக் காவல் கொண்டு
எய்ய வல்லானுக்கே உந்தீ பற
இளமுலை பங்கன் என்றுந்தீ பற

சாடிய வேள்வி சரிந்திடத் தேவர்கள்
ஓடியவா பாடி உந்தீ பற
உருத்திர நாதனுக் குந்தீ பற

ஆவா திருமால் அவிப்பாகங் கொண்டு அன்று
சாவாது இருந்தான் என்று (உ)ந்தீ பற
சதுர்முகன் தாதை என்று (உ)ந்தீ பற

புரந்தரனார் ஒரு பூங்குயிலாகி
மரந்தினில் ஏறினார் (உ)ந்தீ பற
வானவர் கோன் என்றே உந்தீ பற

வெஞ்சின வேள்வி வியாத்திர னார்தலை
துஞ்சின வாபாடி உந்தீ பற
தொடர்ந்த பிறப்பற உந்தீ பற

ஆட்டின் தலையை விதிக்குத் தலையாகக்
கூட்டிய வாபாடி உந்தீ பற
கொங்கை குலுங்கநின்று (உ)ந்தீ பற

உண்ணப் புகுந்த பகன்ஒளித்து ஓடாமே
கண்ணைப் பறித்தவாறு (உ)ந்தீ பற
கருக்கெட நாமெலாம் உந்தீ பற

நாமகள் நாசி சிரம்பிர மன்படச்
சோமன் முகம்நெரித்து (உ)ந்தீ பற
தொல்லை வினைகெட உந்தீ பற

நான்மறை யோனும் மகத்துஇய மான்படப்
போம்வழி தேடுமாறு (உ)ந்தீ பற
புரந்தரன் வேள்வியில் (உ)ந்தீ பற

சூரிய னார் தொண்டை வாயினிற் பற்களை
வாரி நெரித்தவாறு (உ)ந்தீ பற
மயங்கிற்று வேள்வி என்று (உ)ந்தீ பற

தக்கனார் அன்றே தலைஇழந் தார்தக்கன்
மக்களைச் சூழநின்று (உ)ந்தீ பற
மடிந்தது வேள்வி என்று (உ)ந்தீ பற

பாலக னார்க்குஅன்று பாற்கடல் ஈந்திட்ட
கோலச் சடையற்கே உந்தீ பற
குமரன் தன் தாதைக்கே உந்தீ பற

நல்ல மலரின்மேல் நான்முக னார்தலை
ஒல்லை அரிந்ததுஎன்று (உ)ந்தீ பற
உகிரால் அரிந்ததுஎன்று (உ)ந்தீ பற

தேரை நிறுத்தி மலைஎடுத் தான்சிரம்
ஈரைந்தும் இற்றவாறு (உ)ந்தீ பற
இருபதும் இற்றதென்று (உ)ந்தீ பற

ஏகாசமிட்ட இருடிகள் போகாமல்
ஆகாசங் காவலென் றுந்தீ பெற
அகற் கப்பாலுங் காவல் என்றுந்தீ பற

திருச்சிற்றம்பலம்

from the facebook tamizhmarai

852
”மகா ஞானியும் மகாத்மாவும்”

பாபு ராஜேந்திர பிரசாத், சுதந்திர இந்தியாவின் குடியரசுத் தலைவராகப் பதவி வகித்தவர். காந்தி பக்தர். அவர் 1938ம் ஆண்டில் சபர்மதி ஆஸ்ரம் சென்று காந்திஜியைச் சந்தித்தார். “பாபுஜி, அமைதியை நாடித் தங்கள் ஆசிரமத்திற்கு வந்துள்ளேன்” என்றார். உடனே காந்திஜி,” அமைதியை நீங்கள் விரும்புபவர் என்றால் நீங்கள் செல்ல வேண்டிய இடம் தமிழ்நாட்டில் இருக்கும் ரமணாச்ரமம்தான். அங்கு போய் ஸ்ரீ ரமண மகரிஷிகளின் சந்நிதியில் சிலநாட்கள் இருந்து வாருங்கள். ’அமைதி’ என்றால் என்ன, உண்மையான ’சாந்தி’ என்றால் என்ன என்பதை உணர்வீர்கள்” என்று சொன்னார். அதன்படி ராஜேந்திர பிரசாத்தும், ஜம்னாலால் பஜாஜ் உள்ளிட்ட அன்பர்களுடன் ரமணாசிரமத்திற்கு வந்து சேர்ந்தார். உடன் வந்தவர்கள் பகவானிடம் ஏதேதோ ஆன்மீக விஷயங்கள் பற்றிக் கேட்டனர். பகவான் தவமிருந்த இடங்களைச் சுற்றிப் பார்த்தனர். ஆனால் பாபு ராஜேந்திர பிரசாத் மட்டும் பகவான் ரமணரின் சந்நிதியை விட்டு நகரவேயில்லை. பகவானிடம் எந்தக் கேள்விகளும் எழுப்பவுமில்லை.

சிலநாட்கள் கழித்து ஆச்ரமத்தில் இருந்து விடைபெறும் போது பகவானிடம், ”சுவாமி மகாத்மாவிற்கு ஏதும் செய்தி இருக்கிறதா?” என்று கேட்டார் ராஜேந்திர பிரசாத்.

அதற்கு பகவான் ரமணர், ”ஒன்றும் இல்லை; எந்த சக்தி இங்கு இயங்கிக் கொண்டிருக்கிறதோ, அதே சக்திதான் அங்கும் இயங்கிக் கொண்டிருக்கிறது” என்றார் புன்னகையுடன்.

உடல்தான் வேறுபட்டிருக்கிறதே தவிர, ‘ஆன்மா’ ஒன்றுதான் என்ற உண்மையை உணர்ந்து கொண்ட பாபு ராஜேந்திர பிரசாத், பகவானை வணங்கி விடைபெற்றார்.

ஓம் நமோ பகவதே ஸ்ரீ ரமணாயா!

from the facebook

853
BHAGAVAN'S PRASAD

My younger brother once came to the ashram. He was not in the habit of drinking tea or coffee and generally refused when he was offered some. When the afternoon cup of coffee was distributed, he asked to be excused. He was told that he must drink it, for all food given in the ashram, he was informed, was Bhagavan’s Prasad and cannot be refused.

My brother went straight to Bhagavan and said, “They say that coffee is your Prasad. I am not accustomed to coffee and I do not like it.’

Bhagavan answered, ‘I never ask for coffee. Whether I like it or not, people make me drink coffee, say that coffee is my prasad, and then drink coffee to their heart’s content. They also induce others to drink it, saying that if they refuse, they refuse my prasad.’

This reminds me of another ‘coffee’ incident. One of the devotees nursed a grudge against the ashram management. He asserted loudly that distinctions were made between guests. He claimed he was not being given the same hospitality that others were. He brought his complaint to Bhagavan along with his cup of afternoon coffee. Just then a mug was served to Bhagavan.

The devotee exclaimed, ‘You see, even Bhagavan is given special coffee! Look at mine, how thin it is!’

Bhagavan said nothing, but took the man’s cup and exchanged it for his own mug. The disgruntled devotee tasted it. It was a bitter decoction of jungle herbs! Only Bhagavan had the courage to drink it. Nobody else could stand it. The poor man was in a quandary, for he had asked for it himself and got it from Bhagavan’s own hands. To him, as a Hindu, it was Prasad, a sacred offering. Never in his life did Prasad taste so bitter!

- Krishna Bhikshu in 'Living by the Words of Bhagavan'

from the facebook

854
ரமணர் ஆயிரம் — அரவிந்த் சுவாமிநாதன்

”பகவானும் பாமர பக்தரும்”

ஒருமுறை பகவான் ரமண மஹர்ஷியிடம் பலரும் ஆன்மீக சம்பந்தமாக பல சந்தேகங்களைக் கேட்டுக் கொண்டிருந்தனர். பகவானும் ஒவ்வொன்றாக விளக்கினார். சந்தேகம் தீர்ந்த மகிழ்ச்சியுடன் எல்லோரும் அவ்விடம் விட்டுச் சென்றனர். ஆனால் ஒரே ஒரு பக்தர் மட்டும் தயங்கித் தயங்கி அங்கே நின்று கொண்டிருந்தார். அவர் அதிகம் படிப்பறில்லாதவர். அதனால் மிகுந்த கவலையுடனிருந்த அவர் பகவானிடம், “ பகவான், அவர்கள் ஒவ்வொருவரும் ஏதேதோ கேள்விகள் உங்களிடம் கேட்டனர். நீங்களும் சளைக்காமல் பதில் சொன்னீர்கள். ஆனால், பகவானே எனக்கு ஒன்றுமே தெரியாது. ஏன், என்ன கேள்விகள் கேட்பது என்று கூட எனக்குத் தெரியாது. என்னைப் போன்ற பாமரர்கள் ஞானம் பெறுவது எப்படி, முக்தி அடைவது எப்படி? நாங்கள் பிறந்ததே வீண் தானா?” என்று கண்ணீர் மல்கக் கேட்டார்.

அதைக் கேட்ட பகவானுக்கும் கண்கள் கலங்கியது. வாஞ்சையுடன் அந்த பக்தரைப் பார்த்த பகவான், “ ஏன் இப்படி நீயாக எதையாவது நினைத்துக் குழப்பிக் கொள்கிறாய்? அவர்களுக்கு பல விஷயங்களில் குழப்பங்கள். சந்தேகங்கள். அதைப் பற்றி என்னிடம் கேள்வி கேட்டனர். நான் பதில் சொன்னேன். உனக்குத் தான் அந்த மாதிரி குழப்பங்கள் ஏதும் இல்லையே! உனக்கு ஒன்றுமே தெரியாது என்கிறாய். “தனக்கு ஒன்றுமே தெரியாது” என்று உணர்வதுதான் உண்மையிலேயே மிகப் பெரிய ஞானம். அப்படி உணர்வதுதான் பெரிய விஷயம். இதை விட வேறென்ன வேண்டும்? எல்லாவற்றையும் ஈசன் பொறுப்பில் விட்டு விட்டு பற்றில்லாமல் உன் கடமைகளைச் செய்துவா. உனக்கு முக்தி கிடைக்கும்.” என்றார் பகவான்.

பக்தரும் மகிழ்ச்சியுடன் அவ்விடம் விட்டு அகன்றார்.

ஸர்வ தர்மான் பரித்யஜ்ய மாமேகம் சரணம் வ்ரஜ |
அகம்த்வா ஸர்வ பாபேப்யோ மோக்ஷ யிஷ்யாமி மாஷுச ||

ஓம் நமோ பகவதே ஸ்ரீ ரமணாயா!!

from the facebook

855
General topics / Re: Tamil Scriptures
« on: March 11, 2013, 12:13:15 AM »
ஸ்ரீ அருணாச்சல மகாத்மியத்தில் ஸ்ரீ ரமணர்

ஆதி அருணாச்சல பேரற்புத லிங்கத்துருக்கொள்

ஆதிநாண் மார்கழியில் ஆதிரை அச்சோதியெழு

மீசனைமான் முன்னமர ரேத்திவழி பட்டநாண்

மாசிசிவ ராத்திரியா மற்று.

தொன்மை வாய்ந்த ஆதி அருணாச்சலம் என்று பிரசித்தி பெற்று அற்புத தேஜோ லிங்கமாக உருக்கொண்டு முதன்முறையாக தோன்றிய திருநாள் மார்கழி மாத திருவாதிரை நன்னாளாகும்.

அப்படி ஜோதி உருவாக எழுந்தருளிய இறைவனை, விஷ்ணு, பிரம்மா முதலான இந்திராதி தேவர்கள் துதித்து வழிபட்டு வணங்கிய புனித நாள் மாசி மாதம் சிவராத்திரி நள்ளிரவின் யாமப் பொழுதாகும்.

from the facebook

Pages: 1 ... 47 48 49 50 51 52 53 54 55 56 [57] 58 59 60 61 62 63 64 65 66 67 ... 74